Back Fort Galle Afrikaans حصن جالى ARZ Galle Fort CEB Galle Fort English Gállei erőd Hungarian ゴールの旧市街と要塞 Japanese Fort Galle Dutch Forte de Galle Portuguese ගාලු කොටුව Singhalese Utrdba Galle Slovenian
Fort Galle is een voormaelig Nederlands fort in het tehenwoordihe Sri Lanka, en is eihenlijk het stadscentrum van de stad Galle. Het eêste (vee kleinere) fort is gebouwd in 1588 deu de Portuhezen. In het jaer 1640 wor het fort deu Nederlanse troepen veroverd en anzienlijk verstevigd en uutgebouwd. De vesting 'eit een totale oppervlakte van 52 hectare. In 1775 wordt een nieuwe protestantse kerke in barokstijl gebouwd, de Groote Kerk. Het originele urgel van de kerke is nog aoltied anwezig. In 1796 komt het fort in Britse 'an en dat bluuft zo tot de onafankelijkeid van Sri Lanka in 1947. Tijdens de zeêbeving van 2004 raekt het fort beschaedigd. Het fort 'eit nog een antal koloniale straetnamen mee Nederlandse inbreng, zoas de Moorse Kramerstraat, de Zeeburgstraat, Middelpuntstraat en de Kerkstraat. De ouwe poorte van de stad 'eit het waepen van de Verenigde Oost-Indische Compagnie tussen twee leeuwenfihuren en daeronger het jaertal 1669. An de aore kant van de poorte is een Iengels waepen te ziejen.